SIBLINGS 🎍

SIBLINGS 🎍

Chapter -30 🎍

James pov

 Damlo ka en zawh chuan Matei awmna room lampan in hmanhmawh deuh chuan ka phei nghal sawk sawk a, a room chhung ka lut chu ka ding chawt mai

A mutthilh tawh ka ring a nia mah se a room chung ah a awm miahlo, mak tih deuh chuan ka en kual a thlanglam bathlar leh bathroom ah pawh a awmlo, a chhuak a mawnile khawnge a kal ang a la damkawr bawksi.

Room atanga ka chhuah rual chuan ka phone chu a lo ri ve nghal zat a, ka kekawr ipte atanga la chhuak in min lo call tu ka hmuh chuan ka thaw deuh hak "Aw nu enge ka buai a nia" ka ti hmuk a mah se a thil lo sawi chu ka naute ICU ah a awm a ti nih chu, call chu dah in hmanhmawh lutuk in ICU awmna lam pan chuan ka kal hlawk hlawk.

Room kawt a kanu leh Marcus lo thu ka hmuh chu pan vat in "enge awmzia" tia ka zawh chu kanu chuan tah insum zet hian "ipa awmna room ah a lo kal a, chuan a lo damlo reng a, Mama tinge engmah min hrilh veloh, ka duh ang pawn ka la duat tha hman lo a sin" tiin a tap zui nghal tlawk tlawk a.

"Kapa kan tura ka kal kha, room chhungah khan kanu nen hian anlo in buaipui a, ka pawm chhuak kha doctor ten ICU ah hian an dah nghal a, engmah pawh chiangkuang in ka hre biklo, kanu hi engmah a zawh tlak siloh a"  Marcus chuan a lo ti ve sup a, ka bu nghut ringawt

Rei vaklo ah  Hminga chu a lo chhuak a ka pan nghal vut chu "Ka room ah inbia ang" tiin a kal tlang a, 

"Nu, min lo nghak ru aw" ka tih chuan a lu thing in "ka lo kal ve ang" ti tiau chuan Hminga kal na lam ah chuan a kal ve nghal a.

Room a kan lut chu tukverh lam hawi in a  ngaihtuah muk hle tih hriat zet in a khabe a tuai a tuai a "Hminga" ka ti sup chu kan lam lo haw in "lo thu ru" ti sup in kan hma zawn sofa ah a lo thu ve nghal a.

"Ka Sawi tlang nghal tawp mai ang" tia min melh deuh vung vung in " inpuahchah  tan tawh mai rawh u" a ti chu nui chhuak hawk hawk in "engatan maw?" ka ti hram a, a thusawi hi hrethiamlo ka nilo, mah se hetiang thil hi a sawi ka duhlo  ka naute chungchang ah ngat phei chuan.

"J, i hrethiam tih ka hria, ipa ai pawh hian a dinhmun hi a khirh tawh zawk, engvanga che chak em em nge a nih ka hre biklo a ni" a ti leh sup chu ka inhum ruh ngang mai.

Kanu chu rawn tap chhuak nghal hawk  a hmui hup nghal vat a, tap zawm duhlo tih hriat zet hian "a damlo chhan te chu, ngaihdam ka dil a, ka tihsual ah chuan a tap a.... chuvang...Chuvang mai mai chu lawm, chutiang in a na lo reng reng" a ti chhuak tiau a.

"A tah hah vang chu a ni teh meuh mai mah se maw J keipawh hian ka hrethiam tawh biklo a ni, test dang kan neih in, thatlohna dang kan hmu bawk silo" a ti chu tho vut in  "enkawl dam ang che" ti nghut chuan ka chhuah san nghal a.

Inpuahchah tur in min hrilh a maw teuhlo lutuk, ka naute hian khawiahmah min kalsan ka phallo reng reng ka duat theih loh ai leh ka enkawl theih loh ai zawng zawng ka enkawl a ka duat hnu pawn min kalsal ka phal dawnlo reng reng.

"Lalpa ka naute hi min laksak suh aw" ti sup chuan ka thaw hak a, he mipa thinlung hi a mangang a ni, ka hmangaih em em hi ka hmangaih lutuk a ni tih ka hrilh a, ka lantir hma hian min kalsa mai ka hlau a ni.

Ka hma a damlo doctor pakhat leh nurse ten an lo nawr chu ka en reng a, an hnung lawk a Marcus ka hmuh ve avang chuan ka pan vat.

ICU  atanga an lo nawr chhuah chuan tlem in ngaih chu a tha ve deuh e

"Enge chanchin" Dr.Sawmi chu ka zawt vat a "tlem chuan a zia deuh" tih ngawt a min chhang in "i hmelhriat em ni" tiin min zawt leh a bu nghut in "a lo harh dawn tawh a ngem" ka ti leh sup

"Harh tep tawh ang, nachhawkna in kan chiu tawh a, a lo harh thuai ka ring" 

Room ah nawr lut in an mut that tir nghal a, a khum bulah thu in a kut chu ka vuan chawt a.

Ka hmangaih kut cher tak chu chul sak in a chalah ka fawp vawng vawng a "min kalsan suh aw" ti sup in ka vawnna chu ka hmer nghet sauh a, ka thlah mai chuan min kalsa ka hlau a ni.

 Ka nu leh Marcus chu lo lut in ngawireng chuan an melh ve vang vang a "ipa tan donor ni tura ka ngen khan...." tia ka nu chu ngawi leh vang vang in "Ka naute hi...Kan chan lo ang tiraw" thu inper san zet sawi chuan min lo melh a.

A mutmeng ah chuan a pangailoh zia ka hmu a ni, a chiai ve hle a niang.

Bu nghut in "khawiahmah a kal dawn hlenem" ka ti sup chu "nia a kal dawnlo, a nu laktlakloh zet ngaidam lo hian, khawiahmah min kal san donlo" ti sep sep chung chuan ka bulah a lo thu ve a.

Rei vaklo a thut hnu chuan "i nau nen hian lo awm ula, ipa bulah ka phei san ang che u" ti in Ka naute chala fawp zeuh chuan a chhuak zui nghal a.

......

Tlaialam ah Dawnga leh David pawh an lo kal leh a "Marcus tinge hetah i awm" David'n a lo ti nghal zat  "ka chawl" tih tawp in pakhat lah hian a lo chhang hmuk a, 

"I thu vet vet bawka nang chu, tihian chawl char char mai rawh" Nui kur kur a David'n a tih leh chuan a khi ve suk a.

"Kanu leh pa pawh naktuk ah an lo haw dawn" Dawnga phone hmang zo lo lut in a tih chuan kan en thap a "kapa vang emni" ka tih chuan "ni tho a mahse, Lulu vang hi a ni zawk mah, kanu te bula kal kha a tum deuh a, hetiang hi kan ni ta nuai sia, kapa in chawlh a la anga naktuk ah an lo haw nghal ang" a tih chuan ka bu nghut a.

Heti em em a ka nutei te nupa in ka naute an ngaituah hi a mak zawk an unaupa fanu an thisen zawm ngei pawh hetiang em em hian an ngaituah bawksilo

 ka naute hi chu an fanu tak tak ang mai hian an ngaituah in an thlahlel a

Kanu in a hauh pawh a chhan tu ber leh a thlavang hauh ber tu chu ka nutei hi ania.

'In enkawl peihloh chuan keimahni in kan enkawl mai ang, hau vak vak zel suh' a ti ve ziah a, kapa in vuak a tum pawh a kuah luih tlat thin tu kha a nia an ngaituah viau ang lo haw an tum deuh chuk chuk pawh hi a awm ve reng mai.

"Kapa in hmu tawh em" ka tih chuan David chu ding nghal vat in"nidawn tak, engtin nge mahni pa te damdawin awm ka theihnghilh thei" tia khuma mu ka naute chu lo melh in "henu pui hlir hi ka lo ngaituah a" khi suk pah hian a ti leh zat a.

"Ka kal" tih leh chhuah a rual nghal a.

In be lemlo chuan kan thu deuh thap a,mipa awmkhawm tih takah sawi tur kan van tlang a niang David a awm hian amah hi a tawng tam ber a, a tawng tam ber leh sawi tur hre ber awm talo chu a reh duk mai.

Kan awmna room kawngkhar chu lo inhawng in Nunui leh patea an lo inzui lut a, melh zawk in ka naute mutna lam chu ka hawi san leh daih .

"Enge a an a" Patea'n a tih chuan "a la ngai reng, hmasawna vak a la awmlo" Dawnga'n a lo chhang vat a

"Keichu ka ringhlel deuh tlat, Mama nangman test te i neih sak ve em" Nunui thawveng zet a a ti chu melh thap in kan rum deuh nghut a.

"Nangmah ngei hian test chu i neih sak duh em" Marcus a ni, a aw ah chuan a lawmlo vaklo tih a hriat bawk .

"Ngaituah ve ula, a hma zawng pawh a na ngailo kapa damloh atang chiah in tihian a awm a, keichu ka awilo zo vek" ner nang a a ti chu kut ka thlak mai loh nan ka in sum tang tang a.

"Bawihte chutiang in an ti ngailo" Patea'n a lo tih pawh chuan ngawi mai tumlo tih hriat zet hian "ka rin aiin lemchan a thiam" tia nui sang hian ka naute mutna lam pan chuan a lo kal hnai a.

Rum nghut in "lo hnaih suh" ka ti hmuk chu ding deuh dat hian "ka en ringawt dawn a lawm" inthiamloh hmel deuh a min melh kar chung hian a ti sep a.

A hmel phakar lutuk hi ka ben chawrh loh nan ka kut  ka kekawr ipte ah ka thun zui hmak a, chutah in hnit faih faih hian "pa Lucy hi en ve pawh a phalo" ti tuak in a pa awmah a va bei deuh hmak a.

Ve lutuk hian, zahpui awm lutuk mai a la tap zui ang hluam hluam a

 "Pate Chhuah pui mai teh Lulu hi a lo harh tep tawh ang, hetiang a min hmuh chuan nuamlo a ti lutuk a nge" Dawnga'n dam dap a atih chuan patea pawh bu nghut in Nunui kuah reng chung chuan kawngkhar lam chu a pan pui a.

"Pa la awm ve hrih ang" a ti leh tuak chu ning zet hian " awmve reng chhan tur i neilo, theh chhuah kher i ngai em" ka ti ta hmuk a, a phu deuh zuk ka hmuh chuak ner sak.

Hetiang mizia hi a nei tih ka lo hrengailo kha a mak zawk, nau te tiin theih tawp in ka duat ve a ka naute ai pawha ngaituah chang ka ngah, ani phei chu nu nei tawhlo a ni tih ka hriat avang in ka ngaihsak zual bawk a mah se a awmdan hi ka tei thei tawhlo, rinai daih in lemchan a lo thiam a nih dawn hi.