DARE
🌵DARE 🌵
"Keichu chhang la ka ti, a duh hmel tak tak che e" a tih leh sep takah chuan ka rilru chu a buai ve det.
Kei hi Lalhruaitluangi ka ni a tunah hian MZU ah ka kal mek a, kan zawi mek hi maw David Lalrinkima kan University ah chuan lar ve vet vet tak mai mi hausa fapa a ni.
Thla hmasa atang khan min bem char char a mahse tun thleng hian ka la chhanglo a beidawn ve mai ka ring a nia, beidawng lo in min la bem ve char char a peih hi ka ti nia. A ni chu mihausa chhungkua atanga seilian a nia kei fahrah ve mai tan chuan a sang ve em a.
"Saw David a lo kal a nia" ti sep in Kimpuii chu a thu tha sat sat a.
"Babe engtin nge ni ang" ti sup a ka bula lo thu chu chhan tin ah pawh ka tin lo min bem atang hian Babe tih hian mi ko ve ringawt a ti tawhlo tura ka tih pawn a zawm duhlo reng reng "Babe" ti leh sup a ka dara a lo kuah chuan melh zawk in "eng maw" ka ti bul deuh nghut a "i hriat ve reng kha, engtik nge ka bialnu chu i nih dawn" a tih leh chuan melh deuh kal hian "David keilo midang duh tu che an tam ang, an ni chu be zawk la, keichu tiang lam hi ka tuipui ve vaklo a" ka ti chuan min melh kal hian "midang ka duhlo lawm, nangmah chiah" ti deuh nghut in a tho zui nghal nalh a.
A chhelo ve thlot a lawm a ruk tak chuan keipawh hian ka iai miahlo mah se ka dinhmun ka hria a nu leh pa nei tawhlo nau chawm tur nei ka ni a, ngaihzawng neih chu sawiloh star tak ngial pawh ka nei ngailo.
Nghaizawng neih Nan ka hun ka ui nilo in midang ten an nuihsawh a fahrah mai mai a ngaizawng tia an kawk tur kha ka duhlo a ni.
Class Kan ban Chuan college kawta David lo ding Chu ka hmu a hel na tur Ka zawn ngial pawn a awmlo. Kimpuii'n min haw San avangin keimah in ka haw dawn bawksi an lo dinna zawna kal ka huphurh lutuk Chu ka ngaichang deuh reng a, mahse an kalsawn Mai bawksilo ka tihngaihna hrelo Chu Kun ngur in ka kal ta tawp a.
" Babe ka lo thlah ang che" titu Chu tunge a NIH ka hailo chhang lo Chuan kalpelh mai ka tum Chu ka kut ah a lo man chawt a "I hmanhmawh kha lo kal rawh ka lo thlah ang che" a ti leh sup, chhan ka tum lai Tak in Kan hnunglam atang Chuan an lo au a, min vawnna Chu a thlah nghal vat bawk.
Kan zawn anlo thlen Chuan tunge a NIH hrilh chawp ka ngailo University Kan luh atanga David-a bialnu nghet a ni David ka hriat tan na pawh a ni bawk.
Min vawnna a thlah Chuan ngawireng in ka kalsan a. Han duh vein, Nghaizawng ve dawn pawh niila a bialnu hlui Sawmi nen an inthlah Tak Tak theihloh zia ka hria,ngaihzawng dang nei ve ve thin mahse an inthlah Tak Tak theihlo an inkawp leh ngei ngei thin.
In ka thlen Chuan ka inthlak nghal sawk sawk a ka hnathawhna R.U.C gym lam pan in ka kal nghal a. Gym ah hian zingkarah leh tlaiah tifai tur in ka kal thin a hna hautak lutuk a nilo nain hlawh Chu rinai Tak in a tha , Kan unau eikhawp Chu ka thawkchhuak ve mai . Ka pa pension tlem azawng Kan la ve a mah se hei Chu ka nau zirna atan tiin Kan khawl ve bek bek a.
Kan ti bek bek a hun Chu a lo kal ve dual mai thla tawp lam Kan hnaih leh der tawh ka nitin hun hman dan Chu a ngai reng a,chhinchhiah talk em em pawh a awmlo nitin David'n min tibuai reng tih mai loh Chu.
"Tluang chhang ve tawh mai la, a khawngaihthlak e ka ti keichu, a duh ve Tak Tak che niang a beidawng duhlo em mai" Kimpuii a tih leh Chuan thaw deuh hak in " mahse min lo duh Tak Tak lo ta se, infiam Nan mai mai min lo hmang ta se, Sawmi nen an inthlah theilo tih I hriat ve vek kha" ka tih ve sep " ka hria mahse maw hmanni deuh lawk atang Khan Sawmi'n bialpa thar a nei lawm, hausa tawk Kan MLA fapa neihchhun, lungngai Suh David aia sum ngah a nei tawh a lawm" thawveng zet a tih Chuan ka melh deuh hau ringawt, henu thil Han hriat theih Dan em em hi Chu.
" Lo chhang tawh ang che, a lo kal a nia" ti sup in a thutna atang a tho zui nghal nalh a.
Ka melh deuh vung vung lai Chuan ka bulah tu emaw hi a rawn thu ve a, a rim atang Chuan David a ni tih ka hre thei, hetiang a rimtui hman hi tuman anhmang ve ngailo a niang a rim hi hriat a awl em mai.
" Babe" ti sup in min lo thut hnaih sauh a, ka khur ru deuh der der mai a mi uap na lutuk hian min tibuai pha lutuk tlat.
"Zanah ka lo kal ang" ti leh ka bianga chuk a rual a, a kal sawn nghal nul nul zui bawk, ka sa pup pup mai ka awmdan hi a nuam a, a nuamlo tho bawk.
David kalsawn rual chuan Kimpuii a lo thu ve nghal zat a "engtin nge I chhan,I aw ta em, nge I chhanglo leh" a ti nghal chuk chuk a " chhang lo..." Ka sawi zawh hma chuan min lo Beng deuh awk in "chhang rawh ka tih ka tih kha, ani ang hi Chu i hmu leh mai mai tawhlo ang" a ti leh nghal zat a "kala sawi zo hlei nem, zanah ka lo kal ang a tia, engmah min zawt lo lawm" ka tih Chuan thaw deuh huai hian "a tha zanah alo kal chuan, lo be tha hle la, lo yes nghal bawk ang che, i hria em" a tih leh Chuan ka bu ve nghut ringawt.
Class Kan bang Kan haw te Chu ka phur na leh ka zamna a inchen vel reng, zanah chuan a lo kal tak tak a ngem tih vel ka ngaituah vang chuan Kimpuii min biak na pawh chhan loh ka ngah phah khawp mai.
Zanriah Kan eikham hnu chuan Mami nen tv en in Kan thu dun a, Kan in hi kanu leh pa boral HMA Khan Kan sa hman a midangte Anga tha lua nilo mahse a te fel at a kapa Khan a duh uluk bawk a mite chuan 'a changkang ru phian' min tih sak ve thin, kan unau Chiah Chen Nan Chuan a Lian lam mah mah a chumai bakah tlem in a fal deuh bawka mahse tihral emaw midang luah hawh tir Kan phal biklo a, Kan unau in Kan awm ve ta zel chu nia Pathian zarah buaina leh harsatna em em Kan la tawklo bawk a, Kan awm ve thei viau.
Kan unau a Kan titi ve bal bal lai Chuan kawngkhar an lo kik thut a Kan Phu dun nasa lutuk chu kawngkharHawn mai nachang pawh hrelo in Kan in nuih ringawt a, alo Rik nawn leh takah Chuan "tu Tak ni ang maw" ti nuah nuah in Mami chu kawngkhar lam pan Chuan a phei a.
"U I thianpa a lo kal" a tih Chuan mak ka ti deuh a mahse a hnung a David ka hmuh Chuan chhun a athil sawi kha ka hre chhuak leh zawk a, haw kawng ah te kha Chuan ka phir ve nen in ka thleng a ka theihnghilh leh hman chu nia.
"Ka lo leng" tiin a khi suk a, ka then ve sak ringawt.
"Lo thu rawh, a u hi inleng I nei dawn tih I sawilo a" Mami'n David nen min melh tawna a tih Chuan lai zet hian "ka lo theihnghilh daih a" ka tih sep Chuan chimawm Fe a min melh in "I sawi Zak a NIH kha" a lo ti hram a.
"Ka Zak hlol lo, ka theihnghilh ka tih chu" melh khui khui a ka tih vak chu an pahnih Chuan an rawn nui chhuak deuh hawk a, ka Zak lutuk chu Mami ka melh leh ngek ringawt, min la en tha duhlo zui.
"Thingpui Kan lum a nge, ka u ve hi Chuan dar 11 thleng pawh leng la a lum dawn silo che a" tiin choka lam pan in a phei zui nghal nalh a. Zanin hi enge a hriat reuh ni, Inla puitling vel lutuk mai.
"Engtin nge Kan in I hriat a" ti pah Chuan Tim dai hian David chu ka VA melh a, "zawn hmuh a harlo lutuk" a ti sup ringawt a " in in neih nawm hi, unau a chhen Nan Chuan a tawk khawp mai, mahse tlem in a fal deuh tihmai loh chu" hawi kual Chung hian a ti a chhan vak ngaihna ka hriatloh avang Chuan ka nuih ringawt .
Mami thingpui lum zo lo phei chu a titi nghal barh barh a, Ani hi Chu sawitur hi a hre ve a rinai Tak in Kan boruak pawh a zangkhai. Dar 8 velah Chuan assignment tih tur a neih thu sawi in a room ah a lut ta daih a a reh nghal ruih mai.
"I nau I tluklo, Ani chu a zei reuh phian kha" ti sup in a nui sak bawk a "nia" tiin ka lo nui ve sak ringawt chhan vak ngaihna ka hre hlol lo. Amah zawk chu tawng hmasa ah tang in eng eng emaw sawi Chuan Kan titi ve thei phian ka rin aiin lawm a nuam bawk, an chhungkaw chanchin te min hrilh a, farnu pakhat an nei a a damloh thu te an Mangan thin thu te chu min hrilh ve luam a ka lo khawngaih ve em em ringawt, college em pawh kal theilo a adamlo chu ka lo khawngaih khawp mai.
Dar 9 vel ah Chuan "mipangai tan Chuan haw a hun viau e" tiin a tho nulh a, Han chelh khawmawi em em pawh tum biklo Chuan a chhuak tur chu ka zui ve vat zawk a.
Pawn varanda Kan thlen Chuan ding deuh chut in ka lam a lo hawi a "Babe, ka bialnu chu ni tawh ka" a ti leh sup chu Kun ngur Chuan ka bu ve nghut a, nui chhuak deuh hawk in "hneh I har reuh khawmp mai, ka bialnu te" ti leh sup in ka inrin HMA Chuan min lo fawp thut a ka hamhai lutuk chu ka ding khawng reng ringawt.
A hmui a laksawn hnu chuan min en deuh vung vung "a lehpek ah Chuan min Chang ve tawh ang che" tia nui sak in ka hmui chu a kutzungpui in a tuai zeuh a "muttui ka bialnu, naktuk ah Kan inhmu dawn nia" tiin min kalsan zui a, ka lai lutuk chu ka sa pup pup mai ka hmai hi a alh mai dawn in ka hria.
Inchhung ka lut chu Mami Chuan chimawm Fe hian min lo nuih sang a, ka ngei lutuk chu Kan melh nghek ringawt a "enge khati vak vak a min melh, a chhelo hle mai, engtin nge a duh theih che le..." A ti nghal zat zat reuh a "mu la nimai" ti hmuk in ka room lam pan Chuan ka khi phei vur vur a, Mami nui hak hak ri pawh ka hre zawm nghal "i zei loh reuh reuh nen, chhuah Miah Suh ang che" tiin min lo au zui hram a, ve reuh lutuk hian a.
PART - 2
Zing ka tho chu ka che reng reng hi ka zangkhai in ka phur deuh Sur hian ka hria, lawmloh in ka lo nui leh ver ver zel.
"Tukin chu tho fuh hle mai maw" Mami'n nui sang a lo tih chu chhan pawh Chang lemlo in ka lo nuih mai a "ka sawi dik a nimaw, nakinah zei dan ka zirtir ve dawn che nia" tiin a nui hak hak reuh a, ka melh ram ram mai "zaklo reuh lutuk" ka ti sep chu "i zeiloh vang mai a NIH kha" a ti leh hram a "i hrelo" ka ti vak chu a nui nasa zual sauh "u Tak Tak in maw, tunlai ah chuan zei ve deuh te hi a ngai a, bialpa pakhat pawh Ila neilo a, bialpa mai pawh nilo star i neih ve ngai pawh ka hrelo, but don't worry (mahse lungngai Suh) ka zirtir dawn che nia, i bialpa kha a chhelo ropui si i Chan reu reu palh ang" ti pah in min lo kuah nghal a " ka ngaituah reuh che e, i vawikhat ngaihzawng neihna a ni bawksia" a ti sep reuh a. Nui hak in "nula ka NIH ve tawh hi" ka tih Chuan " nive tawh e, mahse tiang lam ah chuan nang ai chinchang leh thil ka hre zawk tih I hriat kha" lei chhuah zeuh hian a ti a, ka melh deuh ram chu min nuih nghal ver ver, nghal ve reuh a nia.
Class kal tura ka Insiam malh malh lai Chuan ka phone a lo ri a number ringawt a NIH avang Chuan lak tumna ka neilo a ri zo Chiah tih Chuan a ruk chhunzawm lehnghal a, ka en leh Chuan number ngai bawk kha ni, thil pawihmawh a NIH Tak in tiin ka la ta hram a "hello" ka tih sep chuan lehlam atanga thaw deuh hawk ri chu ka hria a "i va la har ve, in in chhukna kawng ah Khan ka ding reng tawh a nia" David maw engtin nge ka number a neih theih .
"David" ka tih sep Chuan thaw leh hak hian
"Aw keimah ka nghak che nia, lo hmanhmawh la aw" ti sup in phone chu a dah a, David-a number ka la neiloh avang Chuan ka save nghal a, Insiam sawk sawk in hmanhmawh deuh in ka chhuak zui nghal a, ka Sam tawnna ka la theihnghilh zui.
Kawngpui ka thlen chhoh Chuan ka thaw hlawi hlawi mai ka hmanhmawh lutuk a, ka thawk dan pawh a diklo zo vek.
A dinna bul ka thlen Chuan min lo nuih sak in, " lo Chuang rawh" tih pah in a hnung lam seat chu a Beng thak thak a, ngawi reng Chuan ka lawn zui ve mai bawk.
University Kan thlen Chuan min lo en duh hlawm ngang mai David'n min phurh vang a niang, bike a hung fel chu min be lemlo hian min kalpel nghal vut a, mak ti deuh in ka lo thilr vung vung ringawt.
Nileng in Kan inbe leh miahlo a, ka ngaih chu a tha chiahlo mahse be hmasa zawk tu NIH ka duhloh avang Chuan ka en Liam tawp.
Zanah rinloh deuh in a lo leng leh hlawl a, chhun a min biak loh chhan te chu a sawi fiah a 'public taka in ngaihzawn ka duh hrih lo, tihian a ruk in inkawp hrih ila, Kan chin Kan hrelo a nakin ah inthen leh thut thei Kan nia, i mualpho lutuk loh nan' tia min hrilh Chuan ka lo pawn thlap, Kan ngaihdan a in ang Chiah a tin ni. Inngaihzawn avanga social media Vela in hman chuai chuai ang te kha ka rilrem zawng a ni ve tlat lo a, midang in an hman hi Chuan ka sawisel lemlo mahse ka tih atan ka duhlo a ni, zahthlak ka ti deuh tlat.
A ruk in Kan ti ve Tak na a, hre tawk an lo awm leh nuk tho mahse, ka ngaipawimawhlo Lui ve deuh tlat a, thenkhatin 'a hmeichhia zawk hian a ti huam huam a niang, ani ang te David hian a duh awmlo em mai' min ti tawk pawh an Bo lo, mahse kei leh David leh Kimpuii'n thudik Kan hria a tawk ka ti viau.
Zantin a lo leng ngailo a, mahse a lo Len chhun ah erawh a leng rei thei viau thung, class kalna ah Kan inzui ngai em em lo bawk a, mahni tlat tlat in Kan tla ve ve tawp a zanlam a NIH erawh Chuan Kan inbe deuh reng zel, a ni tel in ka duh tulh tulh a ka atchilh lo chauh tawh a ni mah zawk. A ni chu a awmdan a thup thiamin a in control thei em em a class kalna Vela inzui ve chak Chang pawh ka ngah mahse Aman a sawi hmasak loh Chuan sawi hmasa tu NIH kha ka zak tlat.
David nen Kan inngaihzawn atang pawh thla thum lai ani ve der tawh, buaina leh harsatna em em Kan tawklo a, mahse a awmdan hi mak tih ve deuh Chang ka nei thin achang Chuan min duh em em ang hian a awm a, achang leh min be hreh ngawih ngawih ang mai hian min hel kual thin nimai hian ka hria, ka zawh lah in 'i hre sual a NIH chu' a ti mai zel a nia ka hre sual zawk pawh a ni maithei a ni.
Naktuk mai hi David birthday a ni tawh a, ka bulah Chuan engmah a la sawilo keipawhin hrelo ang hmak in ka awm a mahse, ka neih ang tawkin a present tur ka leisak ve a surprise ka tum ru ve tawp.
Zing ka harh rual rual Chuan ka whatapps message ka en nghal a mahse, engmah message thar a awmlo nizan a Kan inbiak na bak message hmuh tur a lo awmlo ka hnual ve rawih mai. Keimah zawk Chuan David message tur chu ka type a ka send nghal mahse tick pakhat Chiah a awm avang Chuan ka phone chu dah in ka tho nghal a.
Class kal tura in atanga ka chhuah rual Chuan Kimpuii call a lo lut a "Tluang tinge ig account hi I neih ve loh le" a ti nghal ringot a.
Nui deuh hakin "teh daih Chuan, i kal tawh mi" ka ti ve sap "ka lo nghak che bus stand ah, thil pawimawh lutuk hrilh tur che ka nei a nia, lo hmanhmawh rawh" tih leh call off a rual a, enge a hriat reuh ni.
Bus stand ka thlen Chuan Kimpuii chu ka zawng nghal a, a ban lo vai lauh lauh ka hmuh Chuan ka pan nghal vat " Tluang.." ti a min melh deuh vang vang Chuan ka mitko ka lo San zeuh " David hi maw then mai rawh" thaw deuh hap in a ti zawi sap a, mak tih deuh in ka melh hau ringawt "a bum tlat che in ka hria" a tih leh Tak sep Chuan "ngati maw" ka ti deuh hu a min chhan dawn lai Tak in bus a lo thleng a, "nakin ah" tih leh bus a lawn a rual a ngaihtha vaklo Chuan ka zui lut ve nghal a, Kan bus Chuan chhung zawng Chuan Kan inbe leh tawhlo, rilru kamtu nei ang mai hian a thaw leh hak hak thin a ka ngaih chu a tha tawh bik em em lo.
University Kan thleng a bus atanga Kan chhuk rual rual Chuan min Kai nghal dawr dawr a tlem a mi tlem deuh na lai Kan thlen Chuan "ih maw, i rilru ti nalo la" thaw leh hap in " keipawn zing ah ka hmu ve chauh a tih leh a phone phawrh a rual a "hei tukin a upload a nia dar 2:37 ah David leh Sawmi, vawin hi David birthday em ni" tia min zawh Chuan ka bu nghat ringawt a video chu ka en deuh tlawk tlawk tawp mai a ni.
Mak tih bak sawi tur ka hrelo David leh Sawmi in kiss lai video an duhthawh em em mai lehnghal a chuan a upload tu pawh tu dang nilo in Sawmi a ni.
"Tluang in inthen awm ka hresilo a, a ruk in inthen a mi?" ti a min zawh leh Chuan thawk la hap in ka lu ka thing a "ka hrelo" ka ti sep ringawt.
Han chhan vak ngaihna ka hrelo Tak Tak, Kan inthen awm ka hre silo a, ka hriat loh hian Kan lo inthen reng zawk nge, min lo khawp zawk em mawni le, ka rilru hi a buai nuai mai.
"Tluang class kal phawt ang, chhun ah i zawt tha dawn nia" a tih Chuan Kan inzui hnak hnak a, class lak chhung zawng pawh Chuan ka rilru ah eng dang mah a awm theilo David leh Sawmi hlir an awm, awmngaihna min ti hrelo mai dawn in ka hria.
"Kimpuii bathroom ah ka kal lawk dawn aw" tih leh chhuah ka rual a.
Bathroom a midang lo lut thawm ka hriat Chuan chhuah mai ka tum pawh an tawng ri ka hriat avang in ka ding deuh chawt mai "Sawm i video upload kha, enge awmzia David te kha an inthen tawh mi" hmeichhe pakhat in a thi Chuan nui ri deuh hak ka hre zawm nghal a "an in ngaihzawng ngai reng reng hlei nem, a hmeichhia zawk kha a duh em a,David khan a fiam mai mai NIH kha, a hmeichhia zawk Khan a la thutak ta phian a" tiin Sawmi chu a nui ar ar a, a tawngkam avang Chuan ka bing deuh mup in ka hria ka hrilh hai leh mak ti lutuk chu ka luhna room kawngkhar hawna Vuan Chuan ka in hum ruh tang tang a.
" Nih David nen chuan Inla inzui tho tihna mi" a tih leh sep Chuan Sawmi zawk chu
tlem a tawng zawi deuh hian "tumah hrilh Suh ang che, Kan la inkawp reng, David nen khan Kan inchawi a, a birthday thlen HMA thleng a ngaihzawn theih leh theih loh Chuan, keini tuna ka bialpa hi. David birthday zawh ah Kan then ve ve ang, bakah sawtiang fahrah lehnghal engtin nge David an a duh i rin reng reng a hmuhsit nak alai a" nui deuh hak a tih leh phei Chuan ka khur zawih zawih nimai in ka hria, ka mittui tlak lai pawh ka hrelo reng reng.
Infiamna mai mai maw! hah ka awih theilo zawk, infiam thiam Tak an ni. 'Fahrah mai mai lehngal' a tih chu ka rilru ah a awm tluk tluk a, kei in ka lo biak that ve huam huam lai te khan min lo nuih zat awm hi ka tia.
An thawm a reh deuh hnu chuan Insiam tha sawk sawk in ka chhuak ve nghal a.
Kimpuii bul ka then Chuan min lo melh deuh vung vung a, "i tha maw?" a tih sup Chuan bu nghut in "David min lo zawn pui ve" ti sep in ka Kai nghal dawr dawr a.
An spot, Kan bulding hnung lam pan Chuan ka Kai dawr dawr a, mahse tawng ri ka hriat avang Chuan kan ding dun chawt "fahrah mai mai duh Tak Tak tur khawp in ka hniam lo" David'n a tih ri ka hriat Chuan tih vak ngaihna hrelo in Kimpuii chu ka melh mawl tawp a, Ani pawh chuti tho a mitmeng ah chuan inthiamlohna ka hmu tel, a chhan chu Ani hi David chhang ve mai tur a min ti tu kha a nia David khan min duh Tak Tak emaw kha a tia, mahse hei infiamna chu an lo nei Tak Tak a NIH dawn hi Kimpuii chu nuih deuh sak in "kal ang, Kan tibuai mai mai" ti sep in ka Kai zui dawr dawr a.
Class pawh kal chhunzawm tawhlo chuan kan haw ngahl daih a, in kan thlen rualin thil awmzia min zawt nghal sawk sawk a, bathroom chhung a Sawmi te thil sawi ka hriat ho te chu ka hrilh ta vek a, a thinrim lutuk chu a thaw leh hak ringawt zel a.
"Tluang keizawng ka thinrim em mai, David hi ka ngei, ka ngei lutuk" a tih deuh reng a, kei aiin a khawngaihthlak zawkin ka hria.
" keimah vanga inngaizawng kha in ni sia, hreawm ka ti em mai..." A tih leh sep chu ka khawngaih letling zawk " nangmah vang anilo keipawn ka duh ve hrim hrim a, hreawm ti suh" tiin keimah zawk chu hnemtu zawk ah ka tang a.
Zanriah eive nghal tura ka sawm avang chuan kan pahnihin eirawng kan bawl a"Tluang ka thinrim e" a rawn ti chhuak leh hap zel a, a inthiamlo lutuk hi ka khawngaih zawk.
"A ho lutuk, I thiamloh pawh ni hleinem" ka tih Chuan a tomato chan lai chu chawlin min lo melh a "Diktak Chuan a tir kha Chuan ka duhpui biklo che a mahse, a hel ve reng si che a a duh ve tak tak che nih ka ring a, bakah ngaihzawng I nei ngai silo a nei ve turin ka duh che a. Ka thiamloh a tel deuh lawm lo turlo che khan lo belhchian hmasak phawt tur a nia, ka rin ang a nilo lutuk hi ka ngei ben fawk ka chak" a tih hmarh hmarh Chuan tumloh deuhin ka nui chhuak hak a.
"Zahngai zahngai, I ben fawk Chuan Sawmi nen insual a ngai palh ang" la nui reng chunga ka tih Chuan "Sawmi kha maw ka kek chak a nia" ti leh in a tomato chan lai chu a chan zawm lehnghal a "Kala kek ang" a ti leh hram a, chhan dan vak ka hriat tawhloh avangin ka nuih ka nuih ringawt mai.
PART - 3.
Zanriah eikham Chuan Kimpuii chu riak tura ka sawm avangin a nute phone Turin thlanglam varandha ah a chhuak a, ka bulah Mami phone khawih malh malhin a thu ve bawka, "U i bialpa nen khan in inthen tawh mi?" a tih Chuan melh lemlo in "Then lo e" ka ti ve mai a "In inthen lo maw, nih Sawmi kha I hria em MZU a lut ve kha, kha nen khan an in ngaizawng tho ami?" Mak tih hmel fe a tih Chuan " An inkawmngeih ve a. Tinge min zawh?" Ka tih Chuan "A mak em lawm, hei ig a thil post hi en la inkawmngeih ringawt chu an Anglo ve eee..." tih pahin a phone chu min lo hmuh a Sawmi nen induh taka an inkuah lai leh an in kiss lai a lo upload chu niin, sawi mai tur hre loin ka en reng ringawt a. Sawmi account zawk atanga upload chu nise ka la hrethiam thei a mahse a account atang ngei a upload a ni sia Han sawi mawi, mam dan ka hre lo a ni.
"U then daih rawh, a lo Len kha Chuan a fel fel nen a ler em mai a. Ani aia tha Kan zawng dawn nia" a tih Chuan zalo deuhin ka lo nuih ringawt a. Chhuna Sawmi thil sawi kha an rawn nemnghet nimai in ka hria. Rilru nat ai mahin ka zak a ni, engtin nge a thusawi te kha awih a ka lo rin theih ni, ka zak a mawl ka in ti hle bawk.
Kimpuii phone hmangzo lo lut chu ka bulah lo thuin " Ka ngei lutuk hi sah sawm vek mai ka duh" tiin a thaw deuh kawk a.
" U Kimpuii hi chu I hlauhawm ve ee .....min ngei ve ang tih ka hlau" ka nau in a lo tih Chuan za fahran hian a nui hak hak a, " I U thu hi awih hle la ka ngei velo che nimai" la nui reng Chung chuan a ti Sam et a.
" Sawmbali hi engtia Han tih chi nge maw a nih aw.Mami I u bialpa kha engtia tih nge I duh?" A tih leh chuan Mami chu a hawi buai deuh a, mahse a sawi awmzia man vatin "Talh ka duh" nui miahlo a tih Chuan Kan zavaiin Kan nui leh ta vek a, an pahnih a an awmtlan hi Chuan an thutak rei thei thlawt lo.
" I u kha an duh hmel theih hian hian nen, mipa ve si, ka ten" an ti leh ringawt a, han sawi pui ve vak dan pawh hi ka hrelo. Ka rilru ana a hreawm ka ti bawka mahse han sawichhuaha tihlan dan vak ka thiam velo lutuk hi ngawirengin ka tuar tlawk tlawk mai a ni.
Dar sawmpakhat velah Kan mu a,ka mut lah chu a chhuaklo em em lehnghal a ka inlet ka inlet ringawt chu ningin ka thu chhuak leh ringawt a, ka bula mu Kimpuii chu a mutuii em avangin tih harh hlau zet in ka tho chhuak ta them them a ka room thlanglam thutna awmah chuan ka thu thla ta ringawt a. Ka phone chu ka hmet eng a David message lo awm chu ka en a, dar kua Vela a lo thawn daih tawh chu niin.
* Ka birthday a nia, ka thiante nen lawm Kan tum a* tih te hi a nia, chhang lemlo chuan ka seen sak ringawt a.
Darkarchanve dawn ka thutna ngaia ka thut hnu chuan mut leh tumin ka khum lam chu ka pan a, ka ngaituahna hi a tawi tup nimai in ka hria, ngaihzawng vangin tuna ka awm ang hian ka awm ka ring ngailo. Ngaihzawng neih tum ngailo khan ka nei ve a kala tluanglo em em zui a, midang rinna tlachham thin khan David kha ka lo ring nghal mai a, chu thil chu ka tihsual lian lutuk a lo ni reng si.
Ka mutthilh lai reng reng ka hrelo, ka harh chuan ni a lo chhuak tawh a ka phone a dar zat ka en chuan dar sarih leh achanve a lo ri der tawh. Ka bula mu Kimpuii pawh a lo awm tawhlo a, khum atang chuan tho vatin choka lam.
Comments
Post a Comment