12/10

Nun hi bultan tha leh thei ila chuan bul tan that leh chu kei tluk a duh leh thlahlel hi an awm kher tawh biklo ang.

Ka hming chu Lalduhawmi ani a kanpa hi Lalrinhlua a ni bawk kum sawmpahnih dawn chu kan lo innei ve ta reng a fa pahnih mipa leh hmeichhia kan nei bawk

A upa zawk hi Lalhruaitluanga ni in kum sawmpakhat ani ve tawh a a nau hi Lalduhzuali kum riat mi ani.

Kanpa nen kan inneih hian ani chu B.sc second year zirlai chauh a la ni a, keichu pawl riat pass ve mai nula hna neilo thiam pawh neilo, fanu mal nih thin vanga kapa leh ka u ten a kehthei dawm a an dawm thin mah se nu thar kan neih tak avang a nun hreawm ve tak innghah na tur zawng thin hmeichhia ka ni.

Tichuan kanpa nen hian kan inngaizawng a kum hnih dawn kan inzui hnu ah kan vawikhat chetsual na ah nau ka pai ta hlauh a, naupang te in kan inneih phah ta a.

Kan inneih hma atang reng buaina kan nei a, kanpa chhungten min duhlo a nih chu mah se kei hmeichhe luhlul ve tak hian ka thianghlimna leh zahawm ve na ka hlana mipa chu neih ngei ka tum ruh ve tlat bawksi , kapa te zawk in palai an tir chuan sawn man pek an lo tum a, ka chhungte chu an inrawn khawm a kei ngei pawh ka tel ve.

Kaputea chuan "Awmte hei sawn man pek an tum a engtin nge ni ang" a tih chuan ka zak takzet, pawm mai ang u tih mai kha ka duh rum rum hman a

 mah se kan chetsual Khan Lalrinhlua'n 'ka nei ngei ngei ang che' min ti a nih kha, engvang in nge sawn man pek tir in ka neihloh ang ni min hmangaih thu a sawi a keipawn ka hmangaih bawk a " sawn man lak a ngailo, Rinhlua'n kan innei ang a tia lawm" ka ti sep a mahse, he ka thuthlukna siam hi ka damchhung a ka inchhir na tur leh nunbul tan that leh chak hluah hluah a min siam tu a ni dawn ti ka hrelawk lo a tin ni.

Vawihnihnan palai an kal leh chuan pangai tak a palai te an lo tirh tur thu in an lo thlah a.   Pangai tak in palai te chu lo tir in kan inkutsuih ve ta  Pathian leh mihring hma ah 'a nuam ah leh hrawm ah pawh, thihna chauh lo chuan min thenhrang suh se' tiin thu kan tiam a, he thu thiam ril leh hlu tak hi vawnnu reng a va har si em.

Kan inneih atanga relote ah zirna chhunzawm turin Mizoram pawn ah min kalsan leh nghal a, mothar nibawk inneih hma in chhungten min duh vaklo tu te nen a inkhat a chhen ho chu inthlahrun a na duh khawp mai.

Kei naupai tan tir ei duh ei chak ngah em em kha ka duh leh chak pawh ei ngam lo in ka awm  a. Nun kha a harsa thin a sin ka chhungte thar chu hna nei leh zirali an nih vek avang in chhun lamah hi chuan an chhuak vek zel a kapi kapa nu nen in kan nghak dun mai zel a ani beng tha tawhlo bawk nen inbiak rin a ngai thin khawp mai.

Thla fe kan inneih hnu ah chuan ka dinhmun te zia in, an mo ka nih takah chuan min pawm thiam ve mai ka ring tin a mah se a nilo kapa ka atanga chhuak chu maw "mo te chu chhiah hlawh ang an nia, kan tih duhloh ti tur a lawm an nih" a ti a nih kha min hmuh dan leh min ngaih dan an chhungkaw zing a mi a min pawm veloh zia a chiang mah mah a ni.

kan veng atang ka pa te veng hi a hla hran lo a taxi chuan minute sawmhnih vel tlan a ni kanpa chu phone a bia in ka riah phei tur thu ka hrilh a, a phalna la thlap in riak phei tur chuan ka kal a.

Zan thum vel ka riah hnu chuan kan chhungte kanpa te veng ami a lo leng a "Awmawm timaw i tlan a?" min ti hlawl a nih chu mak ti fe a melh in "ka tlan reng reng lo ka riak phei ringawt a lawm" ka tih chuan "ipa, Rinhlua pa in a tlan a ti si che a" a ti leh chu mak kan ti tlang ngang mai engvang in nge ka tlan ngawt a nga, kan inti thiamlo bawk silo a tlan chhan tur ka nei hlol lo 

 kapa zawk chuan "Mate i lo tlan tak tak em ni" a ti ve hlol a "ai pa ka lo tlan lo Rinhlua phalna thlap in lawm ka lo riah, kapa chu a va ti mak ve, ka riak dawn tih ka sawi vek sia" lungawi vaklo chhuan ka ti a.

"Haw tur in an duhtawh che niang naktuk ah i haw phei mai dawn nia" a ti leh sup chuan ka bu ve nghut a.

Ka nau pai pawh thla ruk lai a ni ve tawh, ka inzo lo bawksi  chhet ve reng ngai bawk, zing thawh tlai hlek a mei nei zet zet a intawng khum bawk si chuan awmdan thiam a har duh khawp mai.

Tumkhat chu kapa in an pawisa dah a bo then a ti ta mai , a tir chuan min ringhlel tih ka hrelo mahse a han sawi rei telh telh a nitin a ina awm chu kei leh ka pi mai kan ni si "tumah kan room ah an lut ngailo in tia nitin kan chhuak a tukin ah pawh a la awm a, hei tlai kan lo haw in a awm tohlo, chhun ah inleng kan neilo in tu bawksi" a ti ta phiar phiar a kapa hi kanu ni zawk awm tak a ni mipa ah chuan anchhe ve pawl tak a niang.

"Tumah lo kalo e, kapi nen chiah hian kan awm a, in room ah kan lut lo ve ve bawksia, i dahna i hai a niang" ka ti dek dek chu " mahni thil dahna hrelo rual ka nia mi? chutia mo tete in min chan zat zat mai le" pawr fe hian a lo ti chhuak a ka ip chawi mai, ka zak a ka inthlahrung zual sawt bawk chhang zawm ngam tawhlo chuan ka ngawi ta kar a.

Kanu chu an room ah a lut a rei vaklo hnu ah lo chhuak leh in "hei a kil ah a awm reng a lawm i zawng thalo a nih hi" a lo tih takah chuan ka thaw ta hawk a, mah se ka la zak in ka inthlahrung zual sauh a.

He inah ka luh khan a tul tawp ah lo chuan an room ah hian ka lut ngailo ka luh pawn kawngka ka hawng huau zel a nia, eng vanga kei min ringhlel ngawt nge a nih ang.

Chaw pawh eipuar ngamlo chuan ka kham thuai a kan eina seng fel in hma tak ah ka mu nghal bawk a.

.........

Rinhlua  chu an exam zawh chawlh a nih avang in a lo haw a, hna a la nei bawksilo kei thawh chhuah nei bawksilo chu inthlahrun a na duh khawp mai mahse, inhlawh na tur a hmu ve hlauh  school sakna ah a inhlawh ve a, hlawh a lo lak chuan meizial leh kuhva ba pe in a bak zawng min kawltir a.

Tukkhat chu kapa in "Mama i inhlawhna khan i nu hi gas lakna tur pe rawh, gas lakna tal hi chu tum ve rawh u" a ti ta mai, keiin kanpa hlawh tlemte chu ka kawl bawksi Rinhlua chuan tha deuh in 'awle' a ti ve mai a.

Pawisa min dil chuan ka kawl zawng chu pe in "Rin a zavai hian pe mai rawh" ka ti sap a, min en deuh haw mai "lei tur em em pawh ka nei hleinem meizial leh kuhva man tur la la abak zawng chu i pe dawn nia, chuan i hlawh hi ka kut ah dah tawhlo in kanu leh pa kut ah i dah ziah tawh zawk dawn nia aw" dam deuh chuan ka ti a.

Leitur neilo leh mamawhlo ka nilo mah se kapa tawngkam khan nuamlo min tih tir a ni, anni thlatin hlawh nei hian gas lakna tur ringawt chu an nei lutuk mah se khatia kanpa in hlawh a la a ankut a dahlo a ka hnena a dah kha an rilru a hmin zanlo ni ber in ka hria.

Chuta chin chu a inhlawh ve chhun ah pawh ka hnen ah a hlawh chu dahlo in kap te a pe ta ziah a, engmah sawibuai lo in kan awm tlang thei a a zia zawk phian.

Tuk khat ka zing tho chu kanpa phone ka en a message la inhawnglo a lo awm ve teh mial a ngaihthat lohna em em pawh neilo chuan ka hawng a, mah se ka beisei loh deuh ka hmu *pa ber in i tih te chuan kan mu anga ni mai lawm* tih hi a lo ni a,

number hlang ringawt atang a ni.

Message hlui ka en chuan engmah lo awm tawh bawksilo rilru nuamlo deuh chuan ka dah tha veleh ta mai a.