SIBLINGS 🎍

Chapter-29🎍

Min fawhna a hmui a laksawn rual chuan thaw ham ham in min en ngur a, mit ka lo chhing sawk mai ka zak ka zak lutuk ringawt.Midang hian engtin nge min ngaih ve ang

"Na...Mama chuuu ti zahthlak thei eee,insum ve deuh thin rawh" ti hlak in David chu a lo nui chhuak hak hak a.

Ka zak bawksi thinrim bawksi chu ka puan sin lai in ka inkhuh hmak a.

Engtin nge tiang khan a tih theih, ka phal na la miahlo in ka hmui virgin lutuk tak mai kha a lo fawp ve ringawt a, Amah lah chu a la zak ve miahlo zui.

"Marcus eng vanga Matei chu check duh ve ngawt nge i nih, a enkawl dan tur ah hian chawh chi pahkhat mah a awmlo, hlep leh ba rulh tur pawh awmlo,,, ve leh ringawt zel che hian" David bawk chuan a ti leh hlak hlak a.

Marcus chu rum deuh nghut in, "hlawh i neih ve velah min hrilh tha leh dawn nia aw" a ti ve hmuk a.

"in bengchhen lo va chhuak ru, Matei'n mut  a mamawh" James chuan a ti ve hmuk a.

"Kan chhuak dawn reng, hun thawl i duh vang mai mai nih kha" David bawk chuan ti leh hluk in "Dawng chhuak ang u chance an mamawh a nih kha" nui zui kur kur a tiin, pen thawm in a zui nghal a.

Lum ka ti tawh lutuk mah se ka puan sin chu ka hlim ngam chuanglo, ka bula awm ve run pa hi ka hmu peih hlol lo, ka zak bawk.

"Mate" ti sup in a thaw hak a, chhanglo chuan ka puan sin chu ka hmer na sauh a lum ka ti lutuk chu ka thaw te hi a chham mai dawn in ka hria.

"Mate in bia ang" ti leh sup in ka puan sin chu a lo pawt hrawk a, ka inring hma bawksilo chu rak that in ka melh nghal ngur a.

"Ka be peihlo che" ti hmak in puan chu siamthat tum in ka ban zui zat a, a lo chelh ve tung chu ning zet hian kan melh leh a.

"Inbia ang" ti nghut in ka mutna khum ah a lo thu kai ve nghal a

"Nih chuan sawi vat vat rawh, mut ka duh a nia"

"Mate" tia ngawi leh deuh vung vung in ka kut chu a lo hum chawt a.

"Ka naute duat i ni duh em?" a lo ti chhuak phawng a, ka melh deuh kawk mai enge sawi a tum hi.

Ka nuih chu a za ngang mai, eng chiah nge sawi a tum ve mawni.

"Ai duhlo" nuih insum zet chuan ka ti chhuak hak a.

"Nih chuan Nunui ka duat dawn a nia" a ti leh sup chuan ka tum zui nghal hmuk 

"I duh leh va duat la ti nia" ka tih leh bur chu rawn nui chhuak hawk in 

"Mahse nangmah te hi ka naute duat ni tur in ka duh bawksi che a" ti leh sup in ka kut chu la kang in a vawp zauh a.

"min duhlo mai rawh, thi mai tur duat ai chuan reitak dam thei tur i nau chu duat hlum thak rawh" ka ti leh deuh hmuk a, thih chungchang ka sawi chuan ka tawt nghal up up mai, ka mittui a lo hnai nghal kuar.

"Ka naute hian khawiah mah min kalsan ka phallo reng reng, kei ka awm chhung chu engtin mah i awm dawnlo, rei tak i dam a nga ka bulah i awm reng bawk ang" dam deuh hian a lo ti a.

A thinrim ka rin tehreng nen, thinrim lo a dam deuh a min chhang chu mak ka ti zawk 

"Mam, thih ka la duhlo" ti tuak chuan ka inhnit zui nghal hlawp hlawp a, a awmah min kuah nghal hmak in "shhh... tap suh, i dam dawm lawm, ka naute hi a dam leh dawn" a lo ti lawi ve rut a min kuahbehna chu ti nghet sauh in a taksa tang lutuk leh a lungphu ri dup dup chu ka hrethei.

reife ka tah hnu chuan ka zawi hnawk mai,

"Mu la ka lo veng ang che, damlo check te ka la ngai a, i mutthlih hunah ka kal ang" ka chal ah lo fawp zeuh in a ti a.

"Mam kapa" ka tih chuan thaw deuh hak in "kanu ten an awmpui" a ti hmuk chu mak ti deub hian ka en a "a nih David te kha" ka ti leh chuan mit ti zim san a min lo melh in "engtin" a ti leh hmuk a.

Ka ning deuh tlat tinge a tawng hmuk hmuk zel le "engmah" ti hmak in puan chu ka siam tha mawlh mawlh a.

 

"mu hahdam leh phawt la nakin ah ka  sawi tha leh dawn nia" tiin ka chal ah a lo fawp pah zeuh a.

"sawi belh tur pawh a awm tawhlo" ti leh hmuk in a awmlohna lamah ka inlet nghal thak a, a nui hawk mai.

"Damlo en tur ka la nei sia, tihian tha deuh in lo mu la, ka lo let leh vat ang" ti a ka puan sin chu siam tha in a chhuak zui nghal a.

Ka thaw deuh huai mai, a awmlai khan ka zam lutuk engvang nge ka hrelo, ka lungphu a la rang em em lehnghal a

Tiang hian Mama bula ka awm in ka awmdan a danglam ngai silo a, a chetdan leh a thilsawi vang kha mawni le ka danglam tak thut ni.

Mutthilh tuma ka beih ngial pawn ka muhil theilo ka harh tulh tulh zawk mai.

Kapa ka ngaituah chhuak thut a, ka mutna atanga tho chhuak in pawnlam pan chuan ka kal chat chat a, kal ka harsat deuh ka mut rei vang emawni.

Kapa pawh kha James a thawhna ah tho hia  an dah ve a, a room awmna lam pan a zawimuang a ka kal lai chu tu emaw hian hnunglam atang min lo kalpel fua a, min su teuh lutuk  kei derdep bawk si chu ka tlu thelh a min su se chu ka tlu chawrh ngei ang

 ka dina bula bang chu ka dawm hman hlauh a, ka thin a phu nghal zawih zawih alawm dawm vang vang in thawk ka la hap a tlem a zia deuh hnu chuan ka kal ve lehnghal mai a.

A awmna room ka thlen chuan chhunglam a hmeichhe tap thawm leh "enge a an, a tha tiraw" tia tawng thawm ka hria a ''ka pi lungngai suh a zia tawh e mahse, a kal hi thlak vat a ngai ka tih kha, a thawh  tur ang in a thawk tawhlo a donor chu in hmuh vat a ngai ang" mipa aw chuan a ti a.

Room kawngka chu ka kik dat dat a "lo lut rawh" tih ri ka hriat chuan zawimuang in ka hawng a kanu leh doctor chuan min lo melh nghal vat a.

Mak ti hmel deuh a kanu'n min lo melh chuan nuih luih sak in "kapa chu enge a an a" ka ti nghal sep a.

Min chhang mai lo chuan min melh reng mai "Nu" ka tih leh sep chu, phu deuh zuk hian " a...a tha...a tha vaklo a" ti bah niai a min chhang in "tinge damdawin kawr i hak ve a" a ti nghal zat .

Ka chhan hma chuan doctor lo awm ve pa chuan "kapi i fanu a mi?" ti a a zawh chuan ka lo ip chawi mai 'aw' a tih duh ka ringlo a ni.

Kapa tan donor ni tura min ngen lawm lawm lai pawh a pawm sak duhlo a, kal san tu kha ka nia a fanu atana min pawm hi ka ring tohlo.

Ka ang zuau chu ka nu thusawi avang chuan ka chip hmak a mak ti deuh hian ka melh kawk mai "aw ni e.. engtia damdawin kawr hi ha ve ringawt nge a nih a?" a ti sep a.

Mak ka ti lutuk leh lawm bawksi chu ka mittui a tling pam mai, ka fanu tia min chal duh kha ka ring tohlo kha a nia.

"Nia englo, hei a ni pawh hi a case a serious khawp mai, a thin hi a chhe hneh tawh lutuk a, zai pawh a theih tawh kher lo maithei a ni" a ti chu kanu chu a meng deuk kawk mai " a va mak awm ve, a naupan lai a zaipui a tawh hnu khan doctor khan a tha vek tawh a ti sia" a ti leh sep a.

"Ka hrethiam bik chiahlo, a case hi ka chan a nilo a Dr.Hminga damlo thin kha a nia amah i zawt chiang dawn nia. Ka kal san phawt ang che u" tih leh kapa drip khai chu endik in a chhuak zui nghal a.

A reh nghal duk mai, kanu chuan min melh tlawk tlawk a chutah mittui luang ngai ngai a min lo pan hnai in "Bawihte... ka thiamloh a ni...I nu thiamloh vek hi ni, min..Min ngaidam rawh a" tia tap zawih zawih in ka biang ah a lo dawm a.

"Nu" ka ti tuak chu a lu thing nar nar in "i nu ni tlak pawh ka niloh hi, ka lo enkawl uluk lo lutuk che kha ka thiamloh vek a ni" min lo kuah nghal thlawp a "ka lo ngaihsak tawkloh na ah che khan min ngaidam hram rawh aw, i nu nitlak lo lutuk hi min ngaidam rawh aw" ti in a tap zui hawm hawm a, ka  kuah let ve nghal zat a.

Hetiang em em a kanu tah nasat hi ka hre ngailo, kapa tana donor nitura min ngen pawh khan tiang em em hian a tap nasa lo.

Ka tah vang nge ka awmdan chu a diklo tan a, ka thin zawn chu rawn na leh nghal talh talh in ka thawk a diklo leh tan "Nu, a na" ka ti chhuak sap chu min khuana chu phelh vat in "khawilai, i khawilai nge na, ka naute i tha em" a ti nghal chuk chuk a, ka chhang theilo a na lutuk ka awm zawn chu dawm in ka thaw hi tawp mai tur ang hian a sak talh bawk a, kanu au thawm leh kawngkhar in hawng rirawk thawm ka hriat rual chuan ka kang nghal nawlh a

a reh nghal duk mai.